Виктор Ѓокерес, фантастичниот Швеѓанец во дресот на Спортинг Лисабон, е транасферна цел на речиси сите големи клубови во Европа. Прво за него, и поради Рубен Аморим, беше заинтересиран Манчестер Јунајтед, потоа во игра се вклучи и Манчестер Сити, се споменуваа и ПСЖ и Барса, но вчера “бомба“ од Мадрид.
Имено Реал Мадрид и дефинитивно тргнува по Швеѓанецот и му нуди на Спортинг Лисабон 70 милиони евра, барем такви се информациите од Шпанија.
Јасно му е и на Дон Флорентино Перез дека и покрај фактот дека тука му се Мбапе, Вини и Родриго, сепак Реал Мадрид нема класичен гол – играч, и затоа ќе мора да реагира на пазарот.
Факт е дека вио блиска иднина Ерлинг Халанд тешко дека ќе дојде во Мадрид, посебно не сега кога Пеп Гвардиола ќе остане уште две сезони во Сити.
Ајде да видиме, се разбира ако дојде Ѓокерес, со каква формација ќе игра Реал Мадрид и кој би морал на клупа од актуелните мега – ѕвезди на “кралевите“.
