Дали е на повидок најспектакуларниот трансфер во историјата на турскиот фудбал? Дали Жозе Мурињо ќе добие мега – засилување? Според “Фанатик“, еден од најпознатите весници во Турција, во Фенер би можел да дојде никој друг туку Кевин Де Брујне, еден од најдобрите фудбалери во светот, предводникот на Манчестер Сити и најплатениот играч во Премиер – Лигата со 400.000 фунти неделна плата.
Оваа вест секако дека е повеќе од сензационална.
Се разбира дека ова би можела да биде само најава, поточно желба на Фенер и Мурињо ако се знае дека за услугите на Де Брујне се заинтересирани бројни клубови од С. Арабија.
Најголемата дилема е дали Фенер има пари да си дозволи еден таков тип на играч како Де Брујне. Јасно е дека турскиот гигант ги нема тие најмалку 20 милиони евра по сезона за да го придобие играчот за врска од Белгија.
