Конечно раководството на Реал Мадрид, поточно Дон Флорентино Перез има намера и тоа како да ја засили својата одбрана. Како што објави шпанскиот портал „Фичајес“, Реал Мадрид се одлучи за големо засилување во одбраната, а целта е еден од најценетите дефанзивци во Премиер лигата денес – аргентинскиот репрезентативец Кристијан Ромеро.
Неодамнешните неуспеси открија сериозни проблеми во задната линија на Реал. Повредите, падот на формата и недостатокот на континуитет доведоа до фактот дека одбраната, со години симбол на стабилност, стана најслабата точка на тимот.
Поразот од Бенфика во ЛШ беше особено болен, што, според шпанските медиуми, дефинитивно го убеди Перез дека нема повеќе време за импровизација. Клубот мора веднаш да реагира, без оглед на цената. Стручниот штаб се соочува со потешкотии да најде решенија што би донеле безбедност во клучните моменти. Токму затоа името на Кристијан Ромеро се појави како приоритет. Аргентинецот, кој одлично се снаоѓа во дресот на Тотенхем, се смета за еден од најагресивните и најдоверливи стопери во англиското првенство.
Според информациите што ги даде „Фичајес“, Флорентино Перез е подготвен да понуди 100 милиони евра за да дојде до капитенот на Тотенхем.
sportmedia.mk
© Vecer.mk, правата за текстот се на редакцијата
