Тимот на Џенова го потврди новиот тренер во името на Патрик Виеира, некогашниот прославен репрезентативец на Франција. Според неофицијалните информации, Виеира добил договор до 2026 година. Французинот го замени Алберто Џилардино, кој вчера доби отказ поради лошите резултати.
Виеира ќе дебитира на чело на Џенова викендов во клучниот натпревар против ривалот за испаѓање Каљари.
Патрик Виера беше тренер на Кристал Палас во Премиер лигата, Ница и Стразбур во француската Лига 1. Виеира има искуство во Серија А, играјќи за Милан, Јувентус и Интер. Тој забележа 100 настапи во првата лига на Италија и постигна 11 гола.
