Ред Бул Лајпциг со 4:2 успеа да го победи составот на Вердер попладнево во меч од 16.коло во Бундеслигата или прво во пролетниот дел. И веднаш да кажеме дека Елиф Елмас не беше ни во записникот на “биковите“ на оваа средба. Дали поради повредата или поради фактот дека е пред заминување од Лајпциг.
Симонс во 24.минута успеа да му донесе водство на домапиот тим, но Вердер успеа да израмни само две минути подоцна.
Сепак Холанѓанецот во дресот на Лајпциг во 35.минута повторно му донесе водство на својот тим, сега за 2:1.
Само што почна второто полувреме, во таа 47.минута Шешко зголеми на 3:1, а во 90.минута Баумгартнер зголеми на 4:1. Гостите од Бремен во 90+3.минута преку Бурке успеаја само да го ублажат поразот за конечни 4:2.
