Дека Велшанецот во дресот на Тотенхем, Герет Бејл е заситен од фудбалот и сака да ужива во шармот на стекнатото богатство, потврдува и неговиот агент Џонатан Барнет. Во последната негова изјава за медиумите, Барнет најави можно пензионирање на фудбалерот.

„Бејл ќе стави крај на својата кариера. Објаснување можете да најдете кај Мурињо. Бејл заработи многу пари и има доволно пари за да живее удобен живот до крајот на животот и се засити од се она што му се случува во последните години“, вели неговиот агент.

Бејл годинава се врати во Тотенхем на позајмица, но ниту под капата на Мурињо не успеа да ја врати старата слава. Тој и натаму е фудбалер на Реал (М), па по истекот на договорот со „кралевите“ сигурно ќе замине во пензија.

sportmedia.mk