Барселона вечерва ја прекина серијата од три натпревари без победа на тешкото гостување кај Мајорка, каде со одлична игра и многу голови на крајот дојде до убедлив триумф од 1:5.
Во 12. минута гостите поведоа. Големата грешка на дефанзивците на домашниот тим ја казни Феран Торес за предност на гостите од 1:0. Барса имаше многу добри шанси да ја зголеми предноста, но Каталонците имаа непрепознатливо лош финиш во првото полувреме. Мајорка во 43. минута Мпреку Муриќи израмни на 1:1.
Во продолжение Барселона на крилата на Ламине Јамал оствари убедлива победа. По десет минути во вториот дел Јамал изнуди пенал. Рафиња го претвори во гол за 2:1. Истото дуо е на сцена и во 74. минута. Јамал одлично го пронајде Рафиња кој лесно погодува за 3:1.
Барса не застана. Повторно се тргна од Јамал. Го пронајде Пау Виктор, топката се одби до Френки де Јонг, кој погодува за 4:1. Јамал практично го намести и петтиот гол. Влезе во шеснаесетникот, топката стигна до Де Јонг, кој несебично го „вработи“ Пау Виктор за 5:1.
