Атлетико (М) се провлече на гостувањето кај Барселона и обезбеди финале во Копа дел Реј. По победата од 4:0 на првиот натпревар на домашен терен, „јорганџиите“ вечерва имаа пеколно гостување на „Камп Ноу“ и малку недостасуваше каталонците да ја анулираат нивната висока предност, откако на крајот славеа со 3:0.
Расположениот Бернал вечерва двапати ја тресеше мрежата на Атлетико, а едне гол од белата точка постигна и Рафиња. Барселона имаше доминација, притисок и добра игра, но на крајот не успеа да дојде до тој четврти гол кој ќе им донесеше дополнителни минути за финале.
Вака и со пораз од 3:0, Атлетико по голема пауза повторно ќе игра во финале на Купот. Последен пат мадриѓани играа во финалето во 2013 година.
