Баерн ја оправда фаворитската улога и ја совлада Херта во Берлин но тоа го направи потешко од очекувањата. Ова е меч од 20.коло во Бундес лигата, а „баварците“ го постигнаа голот во првото полувреме. Прво германскиот првак имаше шанса во 12 минута да поведе, но Левандовски промаши од белата точка. Полјакот прв пат по јануари 2019 година промашува пенал.

Сепак 10-тина минути подоцна Кингсли Коман го најде патот до голот на Херта.
Тој резултат остана до крај и Баерн освои нови три бода со кои избега на 10 бодови на чело на табелата во однос на вториот РБ Лајпциг кој има меч помалку. Херта е дури на 15. место и веднаш над опасната зона.

Она што е интересно Баерн постигнал барем по еден гол на 51 меч по ред (33 во Бундес лигата), а голманот Мануел Ноер го одбележа 200-тиот натпревар без примен гол во Бундес лигата.

sportmedia.mk