Дефанзивецот на Наполи, Калиду Кулибали, е во преговори со првите луѓе на баерн (М), тврдат дел од италијанските медиуми.

Според информациите, германскиот клуб е подготвен да плати 45 милиони евра за 29-годишниот Сенегалец, кој минатото лето беше на мета на англиските гиганти, но Наполи не му дозволи да си замине. Оваа сезона Кулибали одигра 28 натпревари на сите турнири, постигна еден гол, а имаше и седум жолти и еден црвен картон.

Претседателот на Наполи, Аурелио де Лаурентис, упорно тврди дека не планира да го продаде Кулибали, но ако преговорите со Баерн (М) продолжат со ова темпо, трансферот може да стане и реалност. Де лаурентис претходно објави дека сумата која ќе ја бара за дефанзивецот е 110 милиони евра.

 

sportmedia.mk