Аталанта ја победи Рома со минимални 1:0 во натпреварот од 18-то коло од италијанската Серија А.
Трагичар за „волчицата“ е српскиот голман Миле Свилер, чија кардинална грешка му овозможи на Џорџе Скалвини да го постигне победничкиот гол за победа на Аталанта.
На тој начин, тренерот на „волчицата“ Џанпјеро Гасперини, некогашниот стратег на Аталанта, заврши неславно во Бергамо, каде што се смета за „божество“, бидејќи постигна огромен успех со Аталанта, вклучително и освојувањето на трофејот во Лигата на Европа.
Сè можеше да биде многу подобро вечерва за Гасперини ако Рома поведе во осмата минута кога напаѓачот на гостите Фергусон имаше две одлични шанси, прво го одбрани голманот на Аталанта Карнесеки, а потоа Гимшити интервенираше пред празен гол во осмата минута.
Рома набрзо беше казнета. Беше 12-та минута кога по корнер за Аталанта, голманот на Рома, Миле Свилар, реагираше катастрофално и не успеа да ја фати топката што му помина низ рацете и стигна до Џорџо Скалвини, кој немаше потешкотии да го постигне единствениот гол вечерва.
Во второто полувреме, Рома не успеа да ја надомести негативата, дури немаше ни многу можности за тоа, па сите три бода останаа во Бергамо.
На овој начин, Римјаните останаа на 33 бода и го заземаат петтото место на табелата, додека Аталанта е осма со 25.
sportmedia.mk
© Vecer.mk, правата за текстот се на редакцијата
