Репрезентацијата на Камерун е четвртиот патник во четвртфиналето на Купот на африканските нации. Вечерва на мечот со Јужна Африка, Камерун дојде до победа од 2:1 и со тоа му се приклучи на Мароко во второто четвртфинале.
Камерунците поведоа со голот на фудбалерот на англиски Стоук, Чамадеу во 34. минута, за на стартот на второто полувреме голгетерот на германски Баер (Л), Кофане да го постигне вториот гол со кој Камерун го направи главниот исчекор кон најдобрите осум на „црниот континент“.
Во завршницата Јужна Африка успеа да постигне гол преку Макгопа во 88. минута, но до крајот не успеа да израмни за продолженија.
Во четвртфиналето Камерун се среќава со Мароко кој денеска минимално со 1:0 беше подобар од Танзанија.
