Шпанскиот весник „АС“ е уверен дека не станува збор за прашањето дали, туку кога Зинедин Зидан ќе го напушти Реал Мадрид и ќе седне на клупата на Јувентус.
Тренерот во разговор со новинарите на „Скај Спорт Италија“ по победата во четвртфиналето од Лигата на шампионите над Ливерпул со 3-1 во вторникот вечерта, Зи-Зу рекол: „Италија е секогаш во моето срце. Јувентус отсекогаш ми бил важен“.
„Не знам дали повторно ќе ме видите во Италија. Сега сум тука. Ајде да видиме што ќе се случи”, додал францускиот стратег и екс-играч на Јувентус.
Според шпанскиот весник Зидан е сигурен дека еден ден ќе седне на клупата на „бјанконерите“, а тоа може да се случи и многу бргу, уште по завршувањето на оваа сезона.
sportmedia.mk
