Ѕвездата на Борусија Дортмунд и на англиската репрезентација, Џуд Белингам, се врти кон трансфер во Реал Мадрид следното лето, пишува шпански „Ас“.
Според весникот, плановите на играчот не вклучуваат враќање во Англија. Реал Мадрид сака да го донесе Белингем следното лето за да може да помине една сезона со Лука Модриќ, а потоа веројатно и да го наследи. Раководството на Реал Мадрид смета дека 19-годишниот фудбалер и покрај неговата младост е подготвен да игра на највисоко ниво.
Сумата на трансферот на Белингем во Реал Мадрид може да биде 120 милиони евра. Доколку мадриѓаните добијат согласност од играчот за трансфер, полесно ќе преговараат со Борусија, бидејќи за играчот интерес има и кај Ливерпул, Манчестер Јунајтед и Манчестер Сити.
