Еден ден подоцна од предвиденото, денеска беше извршена ждрепката за првиот Грен Слем турнир оваа сезона, Австралија опен. Светскиот рекет бр. 1, Новак Ѓоковиќ во првото коло ќе игра против Шарди од Франција, а доколку биде успешен на стартот во втората рунда ќе го очекува дуел со подобриот од Франсис Тиафо и Стефано Траваља.
Според костурот на ждрепката, во осминафиналето Новак би можел да го пречека Милош Раониќ или Стен Вавринка. Во борбата за полуфиналето ривал на Ѓоковиќ би можел да биде Александар Зверев.
Втората половина на ждрепката ја предводи Рафаел Надал, а негов прв ривал ќе биде српскиот тенисер Ласло Џере. Во второто коло, Надал би можел да се есретне со уште еден Србин – Виктор Троицки, ако успее на стартот да го мине Мајкл Мо.
Де Минаур е евентуален противник на Надал во четвртото коло, а во четвртфиналето тоа може да бидат Карен Качанов, Фабио Фоњини или Хуберт Хуркач.
Андреј Рублев, Данил Медведев или Стефанос Ципипас евентуално го чекаат Шпанецот во борбата за финалето. Австралија опен започнува на 8 февруари.
Men’s singles Top and Bottom Half at @AustralianOpen
Your thoughts? 🤔 pic.twitter.com/uTr6LCR2WT
— TennisNow (@Tennis_Now) February 5, 2021
sportmedia.mk
