Секако дека во фокусот на вниманието е изјавата на селекторот Игор Ангеловски за наводно одбиената средба со првиот човек на ФФМ, но кажа и за мечот.
„Она што го предвидувавме, и се случи. Убедливата победа ја оправда улогата на фаворит. Резултатот ни дозволи да правиме измени и да не ги исцрпиме силите. Кога ќе постигнете пет гола, секако сте задоволни“, рече Ангеловски.
Тој рече дека дополнително ќе даде коментар за Несторовски, бидејќи, како што кажа, не видел што направил.
„Тоа што го направил Несторовски ќе го искоментирам кога ќе видам што направил“, рече селекторот.
sportmedia.mk
