Само неколку дена откако во сообраќајна несреќа згасна животот на младиот италијански фудбалер Даниел Гуерини од Лацио, дојде уште една страшна вест и тоа од Америка каде во сообраќајна несреќа загинал талентираниот кошаркар на Универзитетот Гранд Кенјон Оскар Фрејер. Крилниот играч имал само 23 години, а животот го загубил во сообраќајна несреќа во Калифорнија во близината на Лоди. Освен Фрејер настрадала и неговата постара сестра Андреа Мур, а животот го загубило уште едно лице кое не е идентификувано.

Американските медиуми веднаш се присетија на судбината на ова семејство бидејќи и неговиот татко загинал во сообраќајна несреќа кога Фрејер имал само седум години. Оваа вест доаѓа само три дена по дебито на Оскар во НЦАА лигата.


sportmedia.mk