Остануваат уште три кола до крајот на сезоната во Премиерлигата, уште три настапи за Езџијан Алиоски во дресот на Лидс Јунајтед. И дефинитивно нема договор меѓу македонскиот репрезентативец и славниот англиски клуб, па затоа може да се каже дека по одигрувањето на тие три меча, Алиоски ќе го напушти Лидс и ќе се пресели во Галатасарај.
Секако дека во преден план за Џани е каде тоа ќе ја продолжи својата кариера откако мина четири години на „Иланд Роуд“, но тој се подготвува и за настап на ЕУРО со својата репрезентација, каде е еден од најдобрите.
Џани во изјава за медиумите во Англија покрај другото посочува дека тој секогаш ќе му биде благодарен за Лидс за тоа што е сега.
“Јас секогаш им велам на луѓето, Лидс Јунајтед го смени мојот живот, како фудбалер, но исто така и како личност“ потенцираше Алиоски.
Да потсетиме дека Џани во Лидс дојде во летото 2017 година и тоа од Лугано, претходно играше и за Шафхаузен.
sportmedia.mk