Аријан Адеми викендов слави нова титула со својот тим Динамо Загреб. Тоа е 10-та за овој играч од средниот ред, кој влезе во историјата на славните на клубот. И не само на клубот, туку општо, во хрватскиот фудбал.

Тој е најтрофеен играч во историјата на „модрите“ со 10 освоени шампионски трофеи, и воедно најтрофеен во хрватскиот фудбал воопшто.

Адеми и заслужи да биде дел од историјата на овој клуб, откако му покажа верност. Неколку пати имаше понуди да замине, но на крајот се решаваше да остане и не погреши.

Динамо Загреб математички ја обезбеди титулата со победата над Ријека. Стефан Ристовски, пак, се радуваше на вториот трофеј во историјата, откако претходно се закити со него во дресот на Ријека.

sportmedia.mk