Во последниот натпревар од 28-то коло од италијанската Серија А, Лацио вечерва го победи Сасуоло со 2-1 на домашен терен, со што ја прекина серијата без победа.
Римјаните сега имаат 37 бода на десеттото место на табелата, додека Сасуоло претрпе пораз по три последователни победи и остана на деветтото место, еден бод зад вечерашниот ривал.
По само две минути игра Лацио поведе преку Малдини, Сасуоло израмни во првото полувреме преку Лауриенте. Победничкиот погодок за Лацио го постигна Марушиќ во судиското продолжение.
