Овој петок, Един Џеко, како вистински лидер и капитен, ќе ја предводи селекцијата на Босна и Херцеговина на отворањето на Светското првенство. Но, неговата големина не се мери само со фудбалските вештини. Неверојатната приказна за ветувањето од детството што го одржал години подоцна, кога решил да го промени животот на сараевскиот таксист...
Како дете кое одело на тренинзите на железничарите, одамна му дал збор на таксист кој редовно го возел:
Еден ден ќе играм во голем клуб и кога ќе заработам многу пари ќе ти купам нов автомобил!
Џеко ја напуштил клубот Железничар во 2005 година, а преку Теплице во Чешка завршил во Волфсбург во 2007 година - каде што го покажал својот префинет вкус за автомобили. Така, во 2010 година, се вратил во својот роден град и покажал дека е човек од збор.
Тој затропал на вратата на постариот господин и го одвел во дневната соба.
- Помина половина час гледајќи ги перформансите на автомобилот и ја избра Шкода Октавија. Един искешира 40.000 евра и му купи на човекот она што го избра - изјавил еден од неговите пријатели во тоа време.
© Vecer.mk, правата за текстот се на редакцијата
