Натпреварот за третото место на Светското првенство помеѓу Англија и Франција е од мал интерес за двата табора.
Англискиот селектор Томас Тухел веќе зборуваше за натпреварот за бронза.
„Никој од нашите играчи и ниту еден од француските играчи не сака да го игра овој натпревар. Тие сакаат да го играат финалето. Дадовме сè за да се случи тоа. Сите учествуваат за да го освојат Светското првенство, но така е. Имаме еден ден помалку за опоравување од Франција, но ќе ја играме играта професионално“, рече Тухел.
Французите имаат апсолутно идентично чувство за натпреварот во сабота.
Ставот на мнозинството го пренесе на прес-конференцијата Ибрахим Коната, кој се согласува со Тухел сто проценти.
„Видов што рече Тухел, дека никој не сака да го игра натпреварот за третото место. И тој е во право во смисла дека и тие и ние сакавме да го играме финалето. Но, така е, немаме избор“, рече Конате.
Ентузијазмот за претстојниот натпревар е на минимум во таборот на „триколорите“. Поразот од Шпанија доста ги потресе раните фаворити за освојување на турнирот.
„Бевме многу мотивирани, но не успеавме. Шпанија беше едноставно подобра“, Конате немаше многу да додаде на темата за последниот натпревар.
Нвинари го потсети Конате на фактот дека Французите загубија три претходни натпревари против Шпанија: во полуфиналето на ЕУРО, во Лигата на нации и на Светското првенство.
„Тој шпански тим (на ЕУРО) беше дури и подобар од оној со кој се соочивме тука. Џамал беше 100 проценти подготвен, исто така и Нико Вилијамс. Игравме лошо против нив тука, не го негирам тоа, но Џамал не беше во својата најдобра форма.“
© Vecer.mk, правата за текстот се на редакцијата
