Легендарниот српски кошаркар Владе Дивац е повреден во сообраќајна несреќа што се случила во Црна Гора.
Според извештаите, Дивац паднал од својот мотоцикл во близина на Луштица, како што тврдат очевидци.
Поради повредата што ја здобил при падот, прославениот кошаркар не можел да стане, па затоа многу брзо бил префрлен во болница.
Нема официјални информации за степенот на повредите што ги здобил Дивац во несреќата.
Во последните години, Дивац често престојува во Црна Гора, а минатото лето на одмор во Бока Которска го придружувал, меѓу другите, еден од најдобрите кошаркари во историјата на НБА, Меџик Џонсон.
Да потсетиме дека Дивац ја започнал својата кошаркарска кариера во Слога од Краљево, а потоа играл за Партизан, Лос Анџелес Лејкерс двапати, Шарлот Хорнетс, Црвена Звезда и Сакраменто Кингс.
Во дресот на репрезентацијата, Дивац освоил триесет медали во сите можни натпреварувања. Легендарниот центар беше одликуван со осум златни, два сребрени и три бронзени медали, играјќи за СФРЈ, како и за СР Југославија.
© Vecer.mk, правата за текстот се на редакцијата
