Зуди Енузи Кока од Алијанса за Албанците е назначен за нов директор на МЕПСО, потврдија од компанијата. Тој доаѓа на местото на сега веќе разрешениот Сурија Рашиди кој пак беше назначен пред 6 месеци.
Кока, од 31-ви декември 2021 година беше вршител на должноста директор на „Комунална Хигиена – Скопје“, по што беше разрешен од функцијата од градоначалничката Данела Арсовска откако неговиот брат Цуфи Кока за време на ланските протести против францускиот предлог во Скопје, пукаше во воздух и се закануваше кон демонстрантите кои поминуваа пред неговиот хотел кај плоштадот Скендербег.
Зуди Енузи Кока по професија е дипломиран правник, а до неодамна бил шеф на кабинет на веќе разрешениот директор Рашиди.
Од АД МЕПСО испратија демант до медиуми потенцирајќи дека Зуди не е тој кој пукал.
- Точна е информацијата дека Зуди Енузи Кока е назначен за нов директор, но не е точно дека тој пукаше на протестот кон демонстратите, кратко прокоментираа од АД МЕПСО.
© Vecer.mk, правата за текстот се на редакцијата
