„Создади нова иднина - промени, проекти, победи“ е слоганот со кој ВМРО-ДПМНЕ ќе настапува на локалните избори кои ќе се одржат на 17 октомври.
Претседателот на ВМРО-ДПМНЕ Христијан Мицкоски на брифинг со новинарите откривајќи ги слоганот и логото рече дека Македонија време е да излезе од 30 годишниот затворен круг и да почне да оди напред.
Мицкоски изјави дека очекува победа во 39 општини и градот Скопје, односно да ги повтори општинските резултати од претседателските и предвремените парламентарни избори.
Инаку ВМРО-ДПМНЕ на локалните избори ќе биде претставен под редниот број 7.
Првиот круг од локалните избори во Македонија ќе се одржи на 17 октомври, а кампањата започнува во понеделник на 27 септември.
