logo
logo
logo

СТУДОТ СЕ ВРАЌА, од утре дожд, а некаде ќе се врати и СНЕГОТ

Vecer | 17.03.2025

СТУДОТ СЕ ВРАЌА, од утре дожд, а некаде ќе се врати и СНЕГОТ

Денес ќе се задржи променливо облачно и посвежо време со повремени врнежи од дожд. Ќе дува засилен ветер, во западните делови од западен, а во источните од северен правец. Попладне и во вечерните часови на повеќе места ќе биде нестабилно со пообилен пороен дожд (над 20л/м2), грмежи и засилен ветер (над 60км/ч.). Локално процесите ќе бидат поинтензивни во форма на невреме.

Поради спуштање на постудена воздушна маса од север во текот на ноќта и утре претпладне врнежите на планините и на повисоките места ќе бидат од снег, при што ќе се формира нова снежна покривка (2-10см).

Утринските температури ќе се движат од -2 до 9 степени, а дневните во интервал од 5 до 20 степени.

Во Скопје, променливо облачно, попладне и во текот на ноќта со повремени врнежи од дожд, повремено поројни проследени со појава на грмежи. Во текот на ноќта во повисоките делови од котлината е можно провејување на снег. Ќе дува умерен до засилен северен ветер, максималната дневна температура ќе биде 15 степени.

Потоа следува период на стабилно време со ниски утрински температури кои до петок насекаде ќе бидат под нула.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk