Спонтан собир на граѓани пред зградата на Владата на РСМ, на протест против „францускиот предлог“ за решавање на спорот со Бугарија и почнување преговори на земјава за членство во ЕУ.
Граѓаните собрани пред владата велат дека „во ниеден случај не смее да биде прифатен овој предлог од Франција“.
[embed]https://www.youtube.com/watch?v=tUElLuXzkfY&feature=emb_imp_woyt[/embed]
Од Владата досега немаше конкретен коментар околу предлогот на француското претседателство со ЕУ, а премиерот Димитар Ковачевски и денеска рече дека „Владата на Република Северна Македонија формално нема добиено предлог кој е усогласен на ниво на сите 27 земји-членки“.
Ковачевски повтори што треба да содржи секој предлог, за да биде прифатен од македонската влада:
„Каков и да биде конечниот усогласен текст на францускиот предлог, посочувам дека, за тој да биде прифатлив за нас, клучни се следниве елементи – чиста формулација за македонскиот јазик во преговарачката рамка и јасна заштита на македонскиот идентитет, историските прашања не можат да бидат критериуми во преговарачката рамка“.
