Сајтот на ФЗОМ е блокиран скоро 10 дена и се уште не се знае кога ќе проработи, но оттаму велат дека функционалноста на системите постепено ќе се враќа и дека нема одлевање на податоци од базата.
Во меѓувреме здравствените работници се уште немаат земено плата за јануари, а не се ни знае кога ќе земат. Најчесто земаат плата околу 10 во месецот, а законскиот рок за исплата за плата истекува утре. После тоа се плаќаат камати.
Здравствените работници од скопскиот Клинички центар со кои разговарале од СДК велат дека никој ништо не знае за платата, ниту некој им кажува дали има врска со минатонеделниот хакерски напад во Фондот за здравствено осигурување (ФЗОМ), или пак е нешто друго во прашање.
Од Министерството за здравство ни рекоа дека исплатата на платите на здравствените работници вработени во јавноздравствените установи е во надлежност и се врши од буџетот на самите јавни здравствени установи во соработка со ФЗОM.
© Vecer.mk, правата за текстот се на редакцијата
