СДСМ е против зголемување на платите, и не сака да се откаже од акцизата, а секаде во светот се укинуваат на даноците на горивата. Пратениците од СДСМ и ДУИ гласаа против предлогот на ССМ за линеарно зголемување на платите во јавниот сектор од 2.800 денари. Што е всушност и порамнување по зголемување на минималната плата и обврска на власта, велат од ВМРО-ДПМНЕ.
Тие потенцираат дека пратениците од СДСМ гласаа против, исто како што гласаа против намалување на акцизата на горивата за 50% и намалување на ДДВ од 18% на 5%.
- И тоа во време кога во Германија се намали данокот на горивата, а вчера и во САД претседателот Бајден побара од Конгресот суспензија на федералниот данок на горивата во период од 3 месеци. Во Германија со намалувањето на даноците литар гориво е скоро иста цена како во Македонија, со 10 пати поголеми плати, а во САД горивото е далеку поевтино, но и таму се намалуваат даноците, истакнуваат од партијата.
Тие додаваат дека само пратениците од СДСМ и ДУИ не сакаат да гласаат за повисоки плати и намалување на даноците и акцизата на горивата.
- Само СДСМ и ДУИ работат против граѓаните. Затоа премногу е. Промени, велат од ВМРО-ДПМНЕ.
