Поранешниот шеф на тајната полиција, Сашо Мијалков, утре нема да го почне издржувањето на тригодишната затворска казна во струшкиот затвор. Телма дознава дека Мијалков побарал одложување на издржувањето на затворската казна за две недели. Па така во струшкиот затвор сега треба да се јави на 22-ри август.
Мијалков се спогоди со Обвинителството и ја призна вината во случајот „Империја“, а покрај затворската казна ќе остане без 6,1 милиони евра во кеш и недвижен имот во вредност од околу 30 милиони евра, вклучувајќи градежна парцела на во центарот на Скопје и 25 стана.
Тој ја смени адресата на живеење во Охрид каде ќе пресотјува под кирија, а во Охрид и го префрли седиштето на една од неговите фирми.
Во струшкиот затвор казната ќе ја издржуваат уште тројца обвинети во „Империја“ кои признаа вина и се спогодија – Орце Камчев, Ненад Јосифовиќ и Тодор Мирчевски, а кои исто така експресно ја сменија адресата на живеење од Скопје во Охрид.
© Vecer.mk, правата за текстот се на редакцијата
