Министерката за енергетика, рударство и минерални суровини Сања Божиновска, заедно со претставници на ИТ секторот од Министерството, денеска учествуваше на семинарот „Дигитализација на јавната администрација – размена на искуства, добри практики и можности за соработка со Чешката Република“, кој се одржа во Свечената сала на Владата. Настанот беше организиран од Министерството за дигитална трансформација, со фокус на размената на искуства и унапредувањето на дигиталните процеси во јавната администрација.
На семинарот беше истакнато значењето на дигиталната трансформација, современите ИТ решенија и сајбер-безбедноста за создавање поефикасни и поотпорни институции, како и за зајакнување на сигурноста на енергетскиот систем.
На семинарот, на кој беа разменети искуства меѓу македонските и чешките институции, беше истакнато значењето на дигиталната трансформација за создавање поуспешна, поефикасна и побезбедна јавна администрација, како и за унапредување на јавните услуги за граѓаните и бизнис-секторот. За Министерството за енергетика, рударство и минерални суровини, дигитализацијата има особено значење бидејќи современиот енергетски систем сè повеќе се потпира на дигитални технологии, автоматизирани системи, паметна инфраструктура и податоци во реално време. „
Енергетската безбедност денес не значи само сигурно производство и стабилно снабдување со енергија. Таа значи и сигурни дигитални системи. Колку повеќе ги дигитализираме енергетските мрежи и инфраструктурата, толку поважно станува нивното обезбедување од сајбер-закани. Затоа сајбер-безбедноста мора да биде интегрален дел од модернизацијата на енергетскиот сектор“, истакна министерката Божиновска.
© Vecer.mk, правата за текстот се на редакцијата
