Екс генералниот секретар на владата Драги Рашковски се појави на првиот академски час на Правниот факултет. Рашковски против кого има обвинение денеска стоеше покрај своите колеги професори меѓу кои и министерот за правда Никола Тупанчевски.
Тупанчевски не гледа ништо спорно во присуството на Рашковски на првиот академски час.
-Станува збор за мои колеги кои, во различен временски период, биле составен дел од извршната власт. Факт е дека треба да се има спрема секого достоинствен пристап. Единствен критериум за осуда, било каква, е после правосилна судска пресуда. Тогаш би можеле да коментираме за состојбите затоа што само на таков начин може да зборуваме за форматирање на нечија одговорност“, рече Тупанчевски.
Рашковски деновиве почесто е во судница како обвинет за случајот „Софтвери“ кој се однесува на набавка на два софтвери – за сообраќајни прекшоци и за биометриска идентификација.
