Начинот на кој владата ги замрзнува цените на производите не е како што треба. Одговорна влада прави поинаку. Се е покачено, има многу нешто важно што не го размисливте во јули месото беше 240 сега е повеќе од 300 денари. Одговорна влада прво ги гледа цените во јули и август и вели ги замрзнувам оние кои биде во јули и август, а не овие сега цени, рече Љупчо Пренџов од ГРОМ на гостувањето на телевизија Телма во емисијата Топ тема обраќајќи се на министерот за економија Крешник Бектеши кој беше дел од дебатата.
Според него владата се однесува по онаа купи ден продај и додаде дека цените требаше да се бидат замрзнати пред да се зголемат толку.
„Кажав еднаш тешко на држава во која само минималната плата расте. Треба посериозен пристап кон кризата која не чука на врата туку ни е длабоко влезена во државава“, рече Пренџов.
Според него еднострано е однесувањето на власта.
„Не може само за цени да зборуваме и тоа требаше многу порано и многу поинаку, но треба и поддршка за стопаннството. Каде е поддршката за стопанството“, праша Пренџов.
Покачувањата кажа Пренџов се високи, храна 5отсто повисоки цени, масло 24,9 проценти, месо 3 отсто, шеќер 5,5 проценти, течни горива 5,5 проценти.
„Значи многу се повисоки покачувањата“, рече Пренџов.
