logo
logo
logo

„Правиме се што можеме да спасиме што повеќе животи, ќе ја потврдиме одлуката на Влада за членовите на семејствата за сместување и превоз“

Vecer | 18.03.2025

„Правиме се што можеме да спасиме што повеќе животи, ќе ја потврдиме одлуката на Влада за членовите на семејствата за сместување и превоз“

Мислам дека сите оние информации коишто се поврзани со здравствената состојба на пациентите коишто се наоѓаат во овој објект, за сите оние коишто се наоѓаат во другите објекти, околу протоколите, околу начинот на третирање веќе беше кажано, само ми преостанува да уште еднаш повторам тоа што го кажа директорот, а тоа е секој оној којшто бил во или во близина на ужасниот настан, да се јави доктор и да побара консултација без разлика дали чувствува или не чувствува било какви тегоби или било какви проблеми, изјави денеска премиерот Христијан Мицкоски.

Едноставно некои работи мора да се направат, нема тука пркосење, нема тука негирање, едноставно мора некои работи да се случи ако сакаме да немаме ефекти коишто ќе ни се случат понатаму во деновите коишто следат. Затоа молам уште еднашка, тоа го кажавме вчера ќе го повторам и денеска, ги молам сите оние коишто беа во периметарот на ужасниот настан, на оваа ужасна трагедија да се јават на доктор, да побараат консултација без разлика дали чувствуваат или не чувствуваат проблеми.

За сето останато како Влада правиме сѐ што можеме и ќе продолжиме да правиме сѐ што можеме да спасиме човечки живот.

Голема благодарност до лекарите, до медицинските тимови коишто вложуваат натчовечки напори и во првите моменти од ужасната трагедија да спасат човечки животи, во процесот на транспорт, голем дел повеќе од 70,80 пациенти се надвор од државата така што денеска и министерот за надворешни работи и надворешна трговија и министерот за здравство се наоѓаат во Солун, и од таму одат во Софија да ги посетат дел од згрижените пациенти. За час и половина имаме седница на Владата, ќе ја потврдиме одлуката да ги покриеме трошоците на 2 члена од семејството за да појдат онаму каде што се згрижени пациентите и превоз и сместување.

Се слушаме со голем број европски и светски лидери, помошта стига од сите страни, а јас сум благодарен на соседите и сите останати.

Како држава ги преземавме во рекордно време сите оние неопходни мерки и протоколи коишто требаше да бидат преземени, како никогаш до сега.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk