Министерот за внатрешни работи Панче Тошковски, денеска на прес-конференција зборуваше за поставувањето на безбедносните камери.
На новинарско прашање дали и во иднина ќе има јавувања, ургенции за укинување на прекршоци кои ќе произлезат од безбедносните камери, Тошковски рече:
„Една од примарна причини за поставувањето на камерите е безбедноста. Бројките на жртви се алармантни. Затоа ги поставуваме камерите, за да спасиме животи. И пред се жртвите се млади луѓе. А, друга причина е дека никому повеќе не може да се јавите за да ви скине казна. Нема кому да е јавите. Компјутер е тоа, треба да се јавите на компјутерот. Нема кому да се јавите“, рече Тошковски на оваа тема.
© Vecer.mk, правата за текстот се на редакцијата
