На социјалните мрежи се простуваат од Владимир Змејковски од Форумот на слободоумни патриоти. Змејковски беше еден од основачите на ВМРО-ДПМНЕ.
Според информации од потесното семејство, Змејковски починал по долго боледување.
Голем број членови и симпатизери на партијата, како и почитувачи на самиот Змејковски преку социјалните мрежи се простуваат од него. Лидерот на ВМРО-ДПМНЕ Христијан Мицкоски на својот Фејсбук-профил и напиша:
- Се опростуваме од човекот кој сиот свој животен век го посвети на својата татковина. Ја поттикнуваше љубовта кон Македонија, но беше и неуморен критичар кон политичките и општествените процеси. Своето големо искуство секогаш го ставаше на располагање пред сите нас. Владимир Змејковски во нашите сеќавања ќе остане запаметен како голем човек. Почивај во мир.