Стево Пендаровски, кој претендира за реизбор, педантно ја избегнува „Северна“ и упорно ја нарекува државата само Македонија од почетокот на изборната кампања, иако на натписот на претседателскиот грб му ја (с)нема Република Македонија, која го красеше за време на неговиот претходник Ѓорге Иванов.
Токму по иницијатива на Иванов, грбот на претседателот на македонската држава беше усвоен на 2 декември 2009 година, а го изработија хералдичарите Стојанче Величковски, Петар Гајдов и Јован Јоновски.
Грбот е составен од македонското државно знаме на штит, под кој се наоѓа венец од македонски даб со по осум листови и осум желади.