Судот го одалечил од судница Љупчо Палевски – првообвинетиот за двојното убиство, додека исказ пред судечкиот совет ќе дава обвинетиот Влатко Кешишев. Тоа го побара адвокатот на Кешишев, Игор Евремов, пренесе Алфа.
„Љупчо Палевски да се отстрани од судницата додека Кешишев дава исказ, бидејќи во негово присуство нема да ја зборува вистината, односно во досегашната постапка со дадената изјава на 20.11.2024 година а која што потоа истиот ја негираше на 25.11.2024 година во која истиот рече дека од страна на сообвинетиот Палевски му била дадена да ја препише, потпише и достави како своја. Сметам дека со ова е извршено влијание врз давањето на изјава на обвинетиот Кешишев и оттука е оправдан стравот на одбраната дека истиот нема да ја зборува вистината на денешната расправа“ рече Игор Ефремов – адвокат на Кешишев.
Адвокатот на Палевски се спротивставил на ваквото барање.
„Јас се противам на ваквиот предлог од причина што нема потреба од вакви драми иб сцени и истиот може да ја зборува вистината доколку ја знае и искрено да си ја каже, а на Љупчо Палевски мислам дека спротивно би му билооневозможено да го следи исказот на неговиот исказ. Едниот е јас како бранител да го следам исказот и да поставувам прашања, друго е Палевски да фаќа белешки и да поставува прашања на Влатко Кешишев. Од тука сметам дека судот е треба да го дозволи ова барање бидејќи како што кажав ќе му биде скратено правото. Мислам дека на вакви блефирање пред јавноста судот не треба да попушти.
Истото од судот го побара и Љупчо Палевски.
„Сметам дека бранителот на обвинетиот Влатко Кешишев се служи со невистини, се служи со факти кои не постојат, заборави да приложи пишана изјава од мене или писмо со која сум го терал Влатко Кешишев да ја препише. Ова е втор пат да изнесува лаги пред судот без притоа на судот да приложи било каков доказ дека јас сум давал изјави кои требало да се препишат во име на обвинетиот Кешишев. Затоа го молам судот да бидат присутен затоа што на претходните испитувања дека сум прекинувал или влијаел на исказ на обвинетите пред судот. Може да седи и со грб свртен, мене ми е важно што ќе изјави обвинетиот Кешишев“ рече првообвинетиот.
Дали се согласувате со ова што го кажа вашиот бранител? – го праша судијата Ивица Стефановски бвинетиот Кешишев а тој одговори: „Па може“.
Судот согласно законите донесе решение, Љупчо Палевски привремено се оддалечува од судницата, рече судијата Стефановски,бидејќи постојат околности дека Влатко Кешишев во негова близина нема да ја зборува вистината.
Откако судот донесе одлука, бранителот Страшевски рече дека „стравот само на збор кажан, а не докажан од доктор или вешто лице е само една приказна која за жал судот ја прифати и не дозволиво е ваква одлука да биде донесена“.
„Како бранител на Палевски не можам да учествувам во ваква драма и хајка и сега ќе ја напуштам судницата. Ова е само сцена пред јавноста“ – рече Страшевски.
Предложи и да се повика вешто лице да утврди дека има страв од Палевски а нема да има страв кога ќе му поставува прашања. Страшевски побара веднаш да се прекине постапката и веднаш да се викне вештото лице. Ваквиот предлог судот не го прифати.
Рочиштето продолжува со давање исказ на обвинетиот Кешишев.
© Vecer.mk, правата за текстот се на редакцијата
