На крајот на минатата година неколку студенти во студентскиот дом Пелагонија беа затруени со храна, а според директорот Агим Фејзулаху немало труење со храна во мензата на студентскиот дом .
Ова тој го изјави откако надлежните институции утврдиле дека немало бактерија во земените примероци. Сега останува нејасно од што се затруја студентите.
-Нема пронајдено ништо, односно нема бактерии кои што би довеле до последица од труење на студенти. Мензата е повторно отворена и ние почнавме со работа, рече Фејзулаху за Локално.
На 28-ми декември минатата година од „Студентски отпор“ објавија дека до нив пристигнала информација за труење од храна во домот, при што неколку студенти биле хоспитализирани.
Инспекциските служби на Агенцијата за храна и ветеринарство (АХВ), во соработка со Центарот за јавно здравје и претставници од Државниот санитарен и здравствен инспекторат извршија вонредна инспекциска контрола во кујната, при што таа беше привремено затворена.
За лабораториско испитување, земени беа шест мостри од храната која се послужувала и осум брисеви од работните површини и опремата.
Фејзулаху тогаш информираше дека 600 студенти користеле оброк во текот на денот и дека од нив само 6 пријавиле лоша состојба.
© Vecer.mk, правата за текстот се на редакцијата
