<span lang="MK" style="mso-ansi-language:MK">Учениците од
основните и средните училишта од понеделник, 29 април, заклучно со 6 мај 2024,
ќе бидат на пролетен распуст кој е воведен во оваа учебна година.</span>
<span lang="MK" style="mso-ansi-language:MK">Првпат има
промена и во календарот за настава, така што 2023/2024 за основците ќе заврши
на 17 јуни, а за средношколците, како и во минатите години – на 10 јуни.</span>
<span lang="MK" style="mso-ansi-language:MK">Училиштата нема
да работат на 8 мај (среда) кога ќе се одржуваат вториот круг од
Претседателските избори и Парламентарните избори 2024.</span>
<span lang="MK" style="mso-ansi-language:MK">Ден претходно,
вторник 7 мај, скратени часови и работно време до 11 часот ќе имаат оние
училишта каде што утредента ќе се организира гласањето.</span>
<span lang="MK" style="mso-ansi-language:MK">Како што
информираше Министерството за образование и наука, наставата од двата дена кои
поради изборите се неработни ќе бидат одработени во работни денови со подолг
престој на учениците во училиштата за да се реализираат дополнителни часови.</span>
<span lang="MK" style="mso-ansi-language:MK">Скопските ученици
треба да надоместат и за пропуштеното од наставата на 30 ноември 2023 кога во
главниот град беше организиран Советот на министри на ОБСЕ.</span>
<span lang="MK" style="mso-ansi-language:MK">За планирањето и
организирањето на дополнителните часови, МОН ги задолжи директорите на
училиштата.</span>
<span lang="MK" style="mso-ansi-language:MK">Дополнувањето на
нереализираните наставни часови ќе го планираат и организираат директорите на
училиштата и ќе се реализира со подолг престој на учениците во денови од
работната недела, во рамки на шестчасовното работно време на наставниците,
соопшти МОН откако по реакции во јавноста и од синдикатите ја повлече
претходната одлука пропуштената настава да се надомести во саботи.</span>