Најмалку последниве четири-пет години по ред од САД директно, а од ЕУ преку надлежните нивни институции, дипломати и стручниот невладин сектор, се бара целосна реформа во обвинителскиот и судски ситем како генератори на корупцијата во државата.

“Извршната власт (владата) има клучно влијание врз работата на обвинителството и судството“ е сублимат на оценките од САД и ЕУ од каде се заканија, особено тоа директно го кажа Холандија, дека ќе запрат со праќање пари за ваков компромитиран правосуден систем, потенцирајќи го судскиот совет.

Сега, кога новата влада на Мицкоски најави, напиша во програма и со месеци без забелешки од дипломатите промовира реформи на правосудниот ситем, одеднаш, од САД и ЕУ се јавија тоа да не се спроведува затоа што било “мешање на извршната власт (влада) во судската власт и дека е тоа политички нихилизам...“

Што е причината за за овој пресврт. И македонските граѓани, со давање доверба од безвредни 2-3% на обвинителството и судството, и меѓународните институции како најкритичен проблем во Македонија ја оценуваат - корупцијата, а како главни извори на корупцијата владата на СДСМ/ДУИ кои го компромитираат и корумпираат обвинителството и судството... И покрај сето тоа, неочекувано, дипломатите кои со години го зборуваат ова и бараат акција против корупцијата&nbsp; излегоа деновиве и рекоа – оставете ги на раат, не ги реформирајте!

Со други зборови, оставете сегашните обвинители и судии да си го работат она што досега најдобро знаеле да го работат, а тоа е да покриваат и одржуваат темелна корупоција во државата. Накусо – им порачаа на новите власти, НЕ СЕ МЕШАЈТЕ ВО КОРУПЦИЈАТА.

Но, тоа е невозможно ако ова власт сака да остане на власт и сака да оствари резултати и испорача онолку колку што добија доверба на изборите.

Прво, во распуштање на постојниот судски и обвинителски совет не се меша извршната власт, владата, туку тоа е законско овластување (во овој степен на корупција тоа  е и обврска) и работа на собранието, на законодавната власт. Кое е демократското покритие на една законодавна власт да и се наметнува дипломатска забрана да си ја врши својата законодавна работа.

Истите допломати не коментираа кога Љубомир Фрчкоски, на 10 мај 2019 година за Војс Оф Америка даваше решение како владата на Заев (потоа се испотави и од САД оценета како  најкорумпирана во регионот), значи како владата на Заев да премине во Акциај против опозицијата 

“Според Фрчковски мора да бидат сменети триесеттина судии. „Тие мора да сменат 30 - 35 судии. Не можат судот да го остават со Сваровски судии како ништо да не се случило и како Европа ни бара да не ги гибаме. Тоа не може така“, вели Фрчковски.

Исто така, според Фрчкоски, СЈО треба да остане во кондиција, а чекори се потребни и во однос на два или три закони од областа на безбедноста, изјави Фрчкоски за ВОА а тоа владата на Заев го спроведе и тоа со педестина смени на судии со кои судскиот систем во јавноста доби доверба од само 3%, а Катица Јанева и СЈО со зајакната кондиција завршија кој на улица, кој во затвор.

Владата на СДСМ/ДУИ, кога е во прашање правосудниот систем можеше и од дипломатските кругови и се дозволуваше се, ама баш се. Кога за нив немаше доволно испораки од обвинителите и судиите на јавноста и е познато и дека дипломати лично одеа по СЈО, Обвинителството и судовите да “помогнат и ги охрбарат“ во соработка со извршната власт на СДСМ/ДУИ и нивната репресивна корумпирана алатка СЈО. Тие податоци се јавни, ги има на Јутјуб, по порталите на фејсбук.

Кој ја следи политиката нема дилема зошто, одеднаш, САД и ЕУ бараат од новата власт да не врши реформи во Судскиот и обвинителски совет. Тие не најавија смена на судии од страна на владата, како што тоа го најави Фрчкоски а изврши Заев. Тие најавија распуштање на постојните а формирање нови совети на обвинители и судии а, потоа, самите судии и обвинители да постапуваат и се реформираат понатаму!

Овој притисок врз новата влада на ВМРО-ВЛЕН-ЗНАМ е тие да се држат под контрола и кооперативност особено кон бигарското вето, а во јавноста да се стимулира недоверба и гнев кон нив се до конечлна смена на власта и пораз на наредните локални избори.

Една од трите централни ветувања на новата влада, покрај инвестициите и стандардот е – борбата против корупција.

 А борба против корупција не може да се спроведува со обвинители и судии кои ја создавале корупцијата на највиско ниво во Европа (после Украина). А ако нема резултати од најавената борба против корупција – паѓа довербата и поддршката од јавноста во новата власт и тоа ќе се почувствува уште догодина, на локалните избори.

Затоа, за новата власт и нема некоја дилема – ИЛИ ЌЕ СЕ БОРИ ПРОТИВ КОРУПЦИЈАТА СО НОВ ОБВИНИТЕЛКСКИ И СДУСКИ СОВЕТ, ИЛИ ЌЕ СЕ ПРИКЛУЧИ НА КОРУПЦИЈАТА и “достоинствено“ ќе си замине од власта и пред да и заврши мандатот.

Новата власт и нема некоја дилема – ИЛИ ЌЕ СЕ БОРИ ПРОТИВ КОРУПЦИЈА СО НОВ ОБВИНИТЕЛСКИ И СУДСКИ СОВЕТ, ИЛИ ЌЕ СЕ ПРИКЛУЧИ НА КОРУПЦИЈАТА