Очекувам ВМРО-ДПМНЕ да освои помеѓу 53 до 56 пратеници на претстојните избори, врз основа на она што го покажуваат анкетите и расположението на гласачите – рече лидерот на ВМРО-ДПМНЕ Христијан Мицкоски во вечерашното гостување.
Внатрепартиските анкети на партијата се континуирани во текот на цела година, изјави претседателот на ВМРО-ДПМНЕ, Христијан Мицкоски во вечерашното ТВ- интервју.
Според последната анкета, Мицкоски истакна дека доколку утре би се одржале парламентарни избори за ВМРО-ДПМНЕ би гласале околу 22-23 проценти, додека за СДСМ само 9 до 10 проценти.
-Февруарските анкети теренски се дека бројката која што би ја освоила ВМРО-ДПМНЕ доколку утре има избори е помеѓу 22-23 проценти. СДСМ се движи околу 9-10 проценти од прилика од освоените гласови, условно кажано ДУИ и обединетата албанска опозиција би се движеле помеѓу 6-6.5 проценти од освоените гласови. Партиите ЗНАМ и Левица би се движеле околу 4-5 проценти, нагласи Мицкоски.
На прашањето колку пратеници би освоила ВМРО-ДПМНЕ според анкетите, Мицкоски рече:
„Врз основа на овие бројки на државно ниво пондерирани во број на пратеници ценам дека во моментот би се движела ВМРО-ДПМНЕ и коалицијата помеѓу 53 и 56 пратеника“.
© Vecer.mk, правата за текстот се на редакцијата
