Според
американските медиуми во тимот на новиот американски претседател Доналд Трамп
ќе бидат Ричард Гренел и Хауард Лутник, личности од кои Македонија може само да
добие.

Гренел поранешен вршител на должноста директор на националното
разузнавање и советник за надворешна политика во окружувањето на Трамп, е
посочен како новиот државен секретар.

Американските
медиуми, меѓу другото, го посочија и Хауард Лутник како потенцијален кандидат
за министер за финансии. Тој помогна да се промовира поддршката за Трамп на Вол
Стрит и јавно се појави за да ја зајакне неговата кампања - собра повеќе од 75
милиони долари (68 милиони евра) за Трамп во целост.

Лутник моментално
игра водечка улога во транзицискиот тим на Трамп, каде што го надгледува
персоналот за потенцијалниот втор мандат на Трамп.

Но, како се
двајцата значајни за Македонија ?

Мандатот на новата
влада предводена од ВМРО-ДПМНЕ и премиерот Хриситјан Мицкоски започна со посета
во Вашингтон. На 8 јули премиерот Мицкоски и Гренел во Вашингтон имаа средба,
на која според она што беше соопштено се разговарало за економија, енергетика и
владеење на право, теми за продлабочување на соработката.

Следниот месец
Гренел дојде во посета на Македонија и во владата повторно оствари средба со
премиерот и министерот за надворешни работи и надворешна трговија Тимчо
Муцунски.

Како што соопшти
Мицкоски, на средбата се анализирале можностите за искористување на
потенцијалите за идни заеднички инвестиции во проекти значајни за регионот.

Во наведениот
контекст беше разгледана можноста за евентуално американско учество во
енергетскиот проект „Чебрен“, кој има стратешко значење за енергетската
независност на земјата. Изразив посебна благодарност до г. Гренел за неговата
посветеност во градењето на севкупните односи помеѓу двете земји. Притоа
истакнав дека Владата останува силно посветена кон продлабочување на
стратешката соработка, со особено внимание во областите на владеење на правото,
економијата и енергетиката, напиша Мицкоски.

Во меѓувреме, во Македонија
и во владата на посета беше и Хауард Лутник, чие име се споменува како министер
за финансии.

Лутник на 22 јуни
дојде заедно со Крис Павловски, основач и извршен директор на интернационалната
компанија Rumble, и Девин Нунес, поранешен конгресмен на Калифорнија, сега
извршен директор на Трамп корпорација за медиуми и технологија.

Како што беше
соопштено во владата се разговарало за можностите за соработка во дигиталниот
сектор и дигиталните реформи кои треба да ги спроведе нашата држава со цел да
се подобрат услугите кон граѓаните и поедноставување на нивниот живот,
фокусирајќи се на дигиталната слобода и трансформација на македонското
општество.

- Исто така,
разговаравме за повеќе можности за економска соработка во повеќе области во
државата, напиша Мицкоски.

Премиерот потоа
гостуваше на македонска телевизија при што истакна дека соработници на Трамп
сакаат да соработуваат со земјава и се разговара за можни проекти, бидејќи како
што потенцираше главен приоритет на оваа влада е дигиталната трансформација,
затоа што преку тоа, степенот на корупција, криминал ќе биде жестоко намален.

„Станува збор за
корпорации со десетици милијарди долари годишен обрт.&nbsp; Крис Павловски е со македонско потекло, тој
работи заедно со тимот на господинот Трамп во делот на развивање на Rumble која
е многу важна во процесот на дигитализација, а луѓето кои беа тука господинот
Хауард и господинот Нунес се двајца кои се од кругот на најблиските соработници
на екс претседателот на САД, Доналд Трамп и тоа се луѓе со големо корпоративно
и политичко искуство во делот на дигитална трансформација.“, рече премиерот Мицкоски
за средбата во владата. &nbsp;

Мицкоски
говорејќи за можностите, посочи дека и претходно се зборувало за идејата
„дигитален денар“, да видиме како можеме да се развиваме таа идеја, дали може
заедно со блокчејн технологија да направи нешто во кое ќе се обезбеди поголеми
приходи за граѓаните и државниот буџет.

„Јас сум горд и
задоволен што овие луѓе се тука и со тимови на владата ќе разговараат поделени
во два дела, првиот е економски и тука пред се мислам на новите блокчејн
технологии, на криптовалутите и можностите како „дигиталниот денар“, и&nbsp; второто е да видиме за дигитализацијата и
дигиталната трансформација за сите овие процедури кои ги зборуваме полесно и
потранспарентно да ги завршуваме. Станува збор за компании со приходи од
десетици милијарди, а господинот Хауард Лутник е практично човек кој во
моментот е еден од најважните 10 фактори на светскиот финансиски пазар и ние го
имавме во Македонија“, нагласи Мицкоски.

Премиерот
Мицкоски потенцираше дека ако овој тип на инвеститори ги имаме тука со
инвестиција, ќе значи препорака за многу компании, бидејќи истите соработуваат
со финансиски инвестиции со трилиони.

„Станува збор за
корпорации со десетици милијарди долари годишен обрт. Крис Павловски е со
македонско потекло, тој работи заедно со тимот на господинот Трамп во делот на
развивање на Rumble, која е многу важна во процесот на дигитализација, а луѓето
кои беа тука, господинот Хауард и господинот Нунес, се двајца кои се од кругот
на најблиските соработници на експретседателот на САД, Доналд Трамп, и тоа се
луѓе со големо корпоративно и политичко искуство во делот на дигитална
трансформација.“,

МИЦКОСКИ ИМА РЕЛАЦИИ СО КЛУЧНИТЕ ЛУЃЕ НА ТРАМП - Веќе беа во владата, заинтересирани за инвестирање во Македонија