-Новинари открија дека Габриел и Елвис Бајрам во магацин од ГТЦ имаат голема "графичка фарма" за копање на биткоини (криптовалута), со многу компјутери кои трошат многу струја на ден, а струјата е на ГТЦ, платена заеднички од сите 300 дуќанџии во трговскиот.-Но, Габриел Бајрам е советник од листата на СДСМ во Град Скопје, а сопругата на Сашо Тасевски Директорот на БЈБ (МВР) е Претседател на одборот на директори на ГТЦ. Истата е и координатор на форум на жени на СДСМ Кисела Вода. Директорот на ГТЦ е истакнат активист на СДСМ во Скопје.-Затоа нема да има ни истрага, ни обвинение за овој скандал. Сметките за нелегално потрошената струја ќе ги платат граѓаните и сопствениците на приватните дуќани во ГТЦ, пишува Милошоски на ФБ.
Од МВР велат дека не било утврдено дека се краде струја, како и дека копањето криптовалути не е кривично дело во земјава.
„Денеска во 14.45 часот во СВР Скопје А.М. пријавил дека во магацините на ГТЦ “имало поставено машини за копање криптовалути” односно дека заради наводна интернет трговија со криптовалути, извесни лица извршиле кражба на електрична енергија, со цел да го опслужат неопходниот капацитет на нивните компјутерски машини неопходни за трговија со криптовалути“, велат од полицијата.
Полициски службеници веднаш излегоа на лице место согласно пријавата, извршија разговори со одговорни лица на ГТЦ и со претставници од ЕВН, при што утврдија дека за броилата, кои се во приватна сопственост, не е утврдена било каква кражба на електрична енергија, по што е утврдено дека не постојат елементи за сторено кривично дело, казниво согласно Кривичниот законик. Во август 2021година по претходно добиен оперативен податок за истото кривично дело “кражба на електрична енергија”, исто така е постапувано од страна на полицијата на истата локација и не е констатирана кражба на електрична енергија ниту се лоцирани компјутери за копање на крипто валути. Имено, копањето на крипто валути не претставува кривично дело предвидено во кривичниот законик, се додава во соопштението од МВР.
