Вицепремиерот Изет Меџити еден од лидерите во ВЛЕН вели дека структурата на Алијансата за Албанците останува дел од ВЛЕН, објавува ТВ21.
Според него, само лидерот на АА, Арбен Таравари, отстапил, а вели дека може да ги разбере неговите постапки само ако му должи на Али Ахмети.
„И во минатото, и сега имаме да правиме со тоа што АА останува дефинирана таму каде што беше. Како дел од ВЛЕН, како дел од промените. Има удел, придонесе за таа победа на ВЛЕН. Придонесе за промената, за политичката ротација што се случи, тука нивниот лидер отстапи, што можам да го разберам ако му должи на г-динот Ахмети, но сите други не треба да отстапуваат од патот поради ова“, рече меѓу другото Меџити.
Изет Меџити вели дека продолжуваат разговорите за промени во извршната власт по заминувањето на Таравари, односно дека позициите што ги држи ВЛЕН во владата, ќе останат кај ВЛЕН.
„Се докажа дека не можеш да бидеш дел од владата и со ДУИ. Дел од ВЛЕН и ДУИ. Сега оваа работа е завршена. Деновиве сме во интензивни разговори за форматирање на новата влада. Оние позиции што во минатото му припаѓаа на ВЛЕН, без разлика дали беа дел од Алијансата, сè уште остануваат во рамките на ВЛЕН. А ВЛЕН ќе ги обезбеди најдобрите, најпрофесионалните луѓе за новите задачи“, изјави Меџити.
© Vecer.mk, правата за текстот се на редакцијата
