Актерот Тони Михајловски по однос на случувањата во културата во Македонија деновиве, реагира велејќи дека власта четири години ја черечи и закопува културата.
- Пљачкосуваат преку проекти на празни листови кои никогаш не го виделе светлото на денот и на сцената, укинуваат фестивали, ги присвојуваат театрите и никој ни да гукне. Оној кодошот на Шишков е набутан во сите комисии и одбори и си лечи комплекси врз колегите. И сега за фотељи ќе се крева уметничка револуција. Не бил од културата, вели Михајловски.
Тој прашува што фајде видовме од лоповите кои беа од културата?
- Крадеа како да имаат осум раце. И директори и министри, и се луѓе од фелата. И секогаш заштитени. До кај е случајот на МНТ за мистериозните 150 000 евра? До никаде. Исто ќе биде и со 8те милиони на Шашо од Комедија. Ќе никне некоја убава куќа во околината на Скопје и толку, потенцира тој.
Михајловски истакна дека оваа пандемија го изнесе на виделина фактот дека театарот е апсолутно небитен, непотребен а и опасен.
А ние, наместо да и се понудиме на публиката во некоја, било каква, форма соодветна на невремето кое го живееме се колеме за фотеља, скокање група и цвичиме за плата, пишува на Фејсбук, Тони Михајловски.
Четири години ја черечат и закопуваат културата, пљачкосуваат преку проекти на празни листови кои никогаш не го виделе...Posted by Toni Sanac Mihajlovski on Saturday, February 6, 2021
© Vecer.mk, правата за текстот се на редакцијата