Плејстејшн политичарот Ковачевски де го вклучуваат, де го исклучуваат од функција. Изјавата на министерот Османи покажа дека Ковачевски е само чувар на премиерската фотелја за кадарот на ДУИ. Како привремен вршител на должност, Ковачевски само ќе чека кога газдите ќе му кажат дека треба да ја напушти функцијата. Ова е понижувачки и за СДСМ, велат од ВМРО-ДПМНЕ.

Истакнуваат дека СДСМ и Ковачевски се претворија во безначаен коалициски партнер кој ги аминува политиките на ДУИ.

– Ниту се спротивставија, ниту ќе се спротивстават. Никаде го нема ни да писне Ковачевски за скандалот со деловниот простор на братот на Груби. Никаде го нема Ковачевски да писне за злоупотребите на Бујар Османи на службени возила. Никаде го нема Ковачевски да писне за лошата економска политика водена пред се од кадрите на ДУИ, истакнаа тие.

Во соопштението се посочува дека Ковачевски е безгласна буква, која кога веќе не може да се спротивстави на беззаконието, само му се приклучи. Затоа брои денови и чека кога на копче ќе го заменат.