Дали предлогот на Заев содржи работи со кои ги продава и идентитетот и историјата, прашуваат од ВМРО-ДПМНЕ во соопштение во кое потенцираат дека Заев повторно на маса вчера става отворање на Уставот и ветува работи за кои нема согласност.
-Воедно беше соопштено дека Заев дал предлог до Бугарската влада. Јавноста има право да знае каков предлог и каков подарок овој пат Заев нуди на официјална Софија. Нели се преговараше само португалскиот предлог?, стои во соопштнието.
Од партијата посочуваат дека Зоран Заев со секоја нова изјава продава се повеќе и повеќе, позициите на државата со Заев се трајно разнишани.
-Заев преку неговите изјави трајно го минира позициите на Македонија. Останува отворено кои се 5те историски личности за кои има согласност меѓу историските личности за кои Заев говори. Заев создава поделби во Македонија. Со Заев Македонија губи. Потребно е Заев да си оди, за Македонија да биде за сите луѓе, се наведува во партиското соопштение.