Максим Димитриевски независниот кандидат за градоначалник на општина Куманово, попладнево се сретна со неговите противкандидати за градоначалници Теодора Димитровска од ДОМ/ЛДП, Тони Михајловски на ВМРО-ДПМНЕ и Беким Салиу од Коалиција Алијанса за Албанците и Алтернатива.

„Куманово мора да продолжи да се развива! Ветувам дека по победата на локалните избори ќе ги разгледам програмите на моите против кандидати и добрите проекти ќе ги инкорпорираме во една програма која ќе значи добробит за сите кумановци. Граѓаните заслужуваат подобар квалитет на живот, понапредна општина, почисто и зелено Куманово. Ве повикувам на 31-ви октомври да го продолжиме патот кон европско и модерно Куманово!“, рече Димитриевски.