Националниот демократски институт спроведе истражување на јавното мислење од 13-24 април 2023 година и ги сподели наодите со лидерите на јавното мислење за да добијат информации за креирањето на јавните политики.
Во однос на тоа што се гледа на телевизија гласачите на ВМРО-ДПМНЕ најмногу гледаат Сител, Алфа и Канал 5, односно од тие 68 отсто кои се информираат од телевизиите најмногу гледаат Сител (55%), потоа Алфа (20%), па Канал 5 (16%).
Гласачи на СДСМ најмногу го следат Канал 5 (28%), па Сител (27%) и ТВ24 (20%).
Сепак според истражувањето само 54 отсто од гласачите на СДСМ гледаат телевизија.
На неопределените гласачи најчест извор за информирање им е Алсат (28%), па Сител (27%) и трета по ред е Алфа со 8%.
Резултатите се од теренско истражување лице-в-лице од 13 до 24 април, нарачано од НДИ, со маргина на грешка +/-3,09 процентни поени на 95% ниво на доверба, големина на примерок од 1.003 испитаници на возраст од над 18 години. Истражувањето беше спроведено од ТИМ Институт и финансирано од Националната фондација за демократија.